Aningaasaqarnikkut pissutsit ineriartornerat
Naatsorsueqqissaartarfik qaammatikkaartunik qaammatillu pingasukkaartunik naatsorsuutinik, aningaasaqarnikkut ineriartornermi ilaatigut uuttuutitut atorneqarsinnaasunik, saqqummiisarpoq. Aningaasaqarnerup ineriartorneranut uuttuutitut atorneqartut tassaapput; takornariaqarnikkut kisitsisitigut paasissutissat, nunanik allanik niueqateqarneq, suliffissarsiortut pillugit kisitsisitigut paasissutissat aamma aalisarneq pillugu kisitsisitigut paasissutissat.
Kisitsisaataasivimmut ilanngunneqarsimasut aningaasaqarnermi pissutsinut uuttuutitut atorneqartut Naatsorsueqqissaartarfimmit amerlineqarput. Tabelimi ataaniittumi kvartalit pingajuanni 2015-imi kisitsisit ilanngunneqarput, kisitsisaataasivimmi kisitsisit kvartalit pingajuanni 2015-imi aamma ilanngunneqarput.
Tabeli 1. Kisitsisit tunngaviusut
Nassuiaat: 1) Atugassanik nioqquteqarnikkut kaaviiaartitat nassiussallu annertussusaat ukiup ilaagut naqqinneqartalerput, procentillu allannguutaa ukiup ilaagut naqqiinerit kisitsisaat kvartalimut siuliinut naleqqiullugit naatsorsugaallutik. Niuertarfeqarnikkut isertitat kaaviiaartitat naleqqersuutaata allannguutaa, niuertarfiit naleqqersuummi pineqartut niuernikkut agguagarsiaannut sunniuteqarsimasinnaasoq. 2) Aningaaserivinnit atortitsinerit aningaaserivimmiititaqarnerillu taamatullu obligationitigut akiitsut sinneri procentitigut allan-nguutaat kvartalimut siulianut naatsorsugaapput. 3) Kvartalip pingajuanni 2015-imi obligationitigut akiitsut sinneri suli naatsorsorneqanngillat, kisitsisaataasivik amigaataasunik malinnalersinneqassaaq, amigaataasut pigineqalerpata.
Najoqqutaq: www.stat.gl/kon
Niuertarfiit naleqqersuummi ilaasut, niuernerup annertussusianik sunnerneqarsimasinnaapput, taamaasillunilu kaaviaartitanut naleqqersuut sunnerneqarsimasinnaalluni. Taamaattumik kisitsisit ilaatigut nangaanartoqarsinnaanerat ilimagisariaqarpoq, naleqqersuut niuertarfe-qarfinnit paasissutissanik tamakkiisumik tunngaveqanngimmat.
Kisitsisaataasivik
Tabelimi qulaani kisitsisit takutinneqartut Naatsorsueqqissaartarfiup kisitsisaataasiviani qimerloorneqarsinnaapput tamatuttaaq nassuiaatsinut atasiakkaanut nassuiaatit nittartakkami saqqummersitami 2014-imi kvartalit sisamaani aningaasaqarnikkut pissutsit www.stat.gl-imi takuneqarsinnaapput. Paasissutissanik suli pisariaqartitsisoqassaguni Anders Blaabjerg oqarasuaatikkut toqqaannartukkut 34 57 81 saaffigineqarsinnaavoq.